कधीतरी उगाचच...

कधीतरी उगाचच वाटते कि आपण एकटे आहोत

मग उगाचच दहावेळा गप्प बसलेला फोन काढून परत ठेवण्याचा कार्यक्रम होतो.

मग खूप जवळचा नसलेल्या मित्राला नाहीतर मैत्रिणीला फोन केला जातो

संदेशाची देवाण घेवाण होते ती पण उगाचच.

मग मी उगाचच उठून समोरच्या बाल्कनीत जातो.

रोज रोज दिसणारा एखादा सुंदर चेहरा नेमका त्यावेळी तिथे डोकावतो.

ते हि उगाचच.....

पण साला मग आज ती गम्मत का येत नाहीये ?

रोज जाणवणारी अधीरता आज उगाचच रुसून का बरे बसली आहे ?

मग परत मी घरात जाऊन बसतो, त्याच जुन्या रिमोटवर

नेहमीसारखा अत्याचार करून शेवटी मुकेशच्या गाण्यापाशी रेंगाळतो ते हि उगाचच.

मग नकळत त्या मुकेशच्या आवाजातील दर्द जुन्या आठवणी जागवतो,

मग धावत जाऊन मी तो दर्द बंद करायचा प्रयत्न करतो .

खूप कंटाळा आलेला असतो, तसाच उठतो हि झोपलेली असते तिथे जाऊन बसतो,

नकळत तिचा हात माझ्या हातात येतो आणि अलगद मी त्यावर ओठ टेकवतो 
 उगाचच...  उगाचच...  उगाचच...  

==============================

आपला उपेक्षित...

==============================